LEBARAN HAJI NGUATKEUN IMAN JEUNG IMUN*

 KHUTBAH IDUL ADHA 1442 H.

*LEBARAN HAJI NGUATKEUN IMAN JEUNG IMUN*

(KH. M. Nasehudin rifaie S.Pd.I)

السلام عليكم ورحمة الله وبركاته

أَللهُ أَكْبَرْ ٩    x

أَلْحَمْدُ للهِ الَّذِى جَعَلَ الْبَيْتَ الْحَرَامَ مَثَابَةً لِلنَّاسِ وَأَمْنًا، وَفَرَضَ الْحَجَّ عَلَى عِبَادِهِ كِرَامًا وَّإِحْسَانًا، وَأَغْنَانَا بِفَضْلِهِ رَحْمَةً مِنْهُ وَلُطْفًا وَمَنًّا، أَشْهَدُ أَنْ لاَ إِلَهَ إِلاَّ اللَّهُ وَحْدَهُ لاَ شَرِيكَ لَهُ، وَأَشْهَدُ أَنَّ مُحَمَّدًا عَبْدُهُ وَرَسُولُهُ، اللَّهُمَّ صَلِّ علي سَيِّدِنَا مُحَمَّدٍ وَّعَلَى آلِ سَيِّدِنَا مُحَمَّدٍ كَمَا صَلَّيْتَ عَلى سَيِّدِنَا إبْرَاهِيمَ وَآلِ سَيِّدِنَا إبْرَاهِيمَ وَبَارِكْ عَلى سَيِّدِنَا مُحَمَّدٍ وَآلِ سَيِّدِنَا مُحَمَّدٍ كَمَا بَارَكْتَ عَلى سَيِّدِنَا إبْرَاهِيمَ وَآلِ سَيِّدِنَا إبْرَاهِيمَ فىِ الْعَالَمِيْنَ إنَّك حَمِيدٌ مَجِيدٌ. أَمَّا بَعْدُ, فيَا أَيُّهَا الْحَاضِرُونْ, إِتَّقُوا اللهَ حَقَّ تُقَاتِهِ وَلَاتَمُوْتُنَّ إِلَّا وَأَنْتُمْ مُّسْلِمُوْنَ. أَعُوذُ بِاللهِ مِنَ الشَّيْطَانِ الرَّجِيمِ, بِسمِ اللهِ الرحْمنِ الرَّحِيم, { وَلِكُلِّ أُمَّةٍ جَعَلْنَا مَنْسَكًا لِيَذْكُرُوا اسْمَ اللَّهِ عَلَى مَا رَزَقَهُمْ مِنْ بَهِيمَةِ الأنْعَامِ فَإِلَهُكُمْ إِلَهٌ وَاحِدٌ فَلَهُ أَسْلِمُوا وَبَشِّرِ الْمُخْبِتِينَ () الَّذِينَ إِذَا ذُكِرَ اللَّهُ وَجِلَتْ قُلُوبُهُمْ وَالصَّابِرِينَ عَلَى مَا أَصَابَهُمْ وَالْمُقِيمِي الصَّلاةِ وَمِمَّا رَزَقْنَاهُمْ يُنْفِقُونَ } 

Hadirin sidang Idul Adha anu dirohmat ku Alloh swt.

Poe ieu, poe lebaran badag, Idul Akbar, sabab ummat Islam keur karumpul di Arfah, jutaan ummat Islam,  kabeh, make baju seragam bodas, manjatkeun du’a ka Alloh, du’a keur pribadina atawa du’a keur ka maslahatan sakabeh ummat tur kamaslahatan bangsa.

Sataun sakali, dikumpulkeun ku Alloh, panggilan langsung ti Alloh, teu bisa dihayang-hayang, teu bisa di cita-cita, estuning panggilan suci, ti zaman nabi Ibrohim alahisslam, dugi ka ayeuna, Mudah-mudahan taun enjing atanapi dina jaman nu bakal kasorang urang kabagean sareng ka panggil pikeun ngalaksanakeun ibadah haji, rukun Islam anu kalima.

Lebaran ieu disebat Idul Adha, atawa Idul Qurban, tepat dina tanal 10 Dzul Hijjah sabab, dina lebaran ieu disunatkeun meuncit qurban, malah ditambahan waktuna 3 poe, nu disebat poe tasyriq "kullu ayyamit tasyriqi dzabhun", Ieu hiji kasempetan pikeun ummat Islam, keur ngalobakeun amal, jeng ngadeukeutkeun diri ka Alloh. supaya bisa komunikasi atawa berbagi jeung tatangga, aya persaudaraan, ukhuwwah di antara ummat islam, aya peduli ti nu beunghar ka nu fakir, aya tatali ka akraban antara papada manusa. Nu bengar ulah takabur, nu miskin ulah leutik hate sabab kabeh genan ukeur titipan ti Alloh.

Ma’asyirol muslimin rohimakumulloh

الله اكبر الله اكبر الله اكبر، لا اله الا الله، هو الله اكبر، الله اكبر ولله الحمد.

Dintenan ieu, khususna, urang sadaya, mieling lalakon nu kantos kasorang ku Kangjeng Nabi Ibrahim ‘alahissalam sareng putrana. Ngaguratkeun kayakinan dina hate, ku meuncit hewan kurban. Ngamparkeun karaharjaan, ngajembarkeun parizqian nu dipaparinkeun ku Alloh. Anu manpa'atna, lewih nguatkeun tali mimitran diantara para dulur, antara nu kaya jeung nu teu boga, ngabagikeun daging kurban, kanu teu pati remen ngadahar, ngagedatkeun tali tulung-tinulungan, buktos ngahijina cangreud Shilaturrahmi Umat Islam. Sakumaha dawuhan Alloh dina Al-Qur'an. 

إِنَّا أَعْطَيْنَاكَ الْكَوْثَرَ (١) فَصَلِّ لِرَبِّكَ وَانْحَرْ (٢) إِنَّ شَانِئَكَ هُوَ الْأَبْتَرْ (ُ٣ (

Hartosna: "Saestuna Kami geus maparin ni’mat anu kacida lobana ka anjeun. Ku sabab eta, maka anjeun kudu ngadegkeun Sholat jeung kudu Qurban karana Alloh, Pangeran anjeun. Saestuna nu ngewa ka anjeun, eta teh jalma nu pegat kahadeannana".

الله اكبر الله اكبر الله اكبر، لا اله الا الله، هو الله اكبر، الله اكبر ولله الحمد.

Hadirin Kaum Muslimin Kakasih Alloh SWT.

Tos dugi kamana, nerapkeun sagala kedal Takbir, Tahlil, Tahmid jeung Taqdis, nu ku urang di ucapkeun?. Leresan ieu, tinangtos urang tiasa syukuran, yen ku ibadah nu dilaksanakeun sadidinten, tos mageuhan kana Iman urang ka Alloh SWT, ngiatkeun kayakinan hingga urang sadaya sieun ku Anjeuna, ngalaksanakeun parentahna sareng nebihan laranganana. 

Ku bacaan tak bir tahmid sareng tasbih ieu, urang tiasa nyingraykeun kakedul, kahoream, teu purun oge janten tiasa maksakeun ngucapkeun takbir, puasa dua dinten kamari, oge tiasa Qurban, supados nyata yen urang leres-leres taqwa ka Alloh SWT.

dina surat Al-Baqoroh ayat 21, Alloh nyaurkeun:

يَا أَيُّهَا النَّاسُ اعْبُدُوا رَبَّكُمُ الَّذِي خَلَقَكُمْ وَالَّذِينَ مِن قَبْلِكُمْ لَعَلَّكُمْ تَتَّقُونَ.

الله اكبر الله اكبر الله اكبر، لا اله الا الله، هو الله اكبر، الله اكبر ولله الحمد.

Ma’asyirol muslimin rohimakumulloh

Alloh SWT. ngawajibkeun  ka manusia pekeun Ibadah sabab hakekat hirup nyaeta ibadah, tegesna ngalaksanakeun sadayana nu diparentah sareng nu dianjurkeun, nebihan anu dilarang sareng nu teu guna kanggo urang.

Dinten ieu, sareng 3 dinten kapayun, urang sadaya dipasihan lahan ibadah nu ageung ku Alloh SWT, nyaeta meuncit Qurban. Sing kabita ku amal anu waktuna mung sataun sakali, bilih bisi taun isuk teu kabagean deui umur.

Saur Alloh dina surat Al-Hajj ayat 34: 

وَلِكُلِّ أُمَّةٍ جَعَلْنَا مَنْسَكًا لِّيَذْكُرُوا۟ ٱسْمَ ٱللهِ عَلَىٰ مَا رَزَقَهُم مِّنۢ بَهِيمَةِ ٱلْأَنْعَٰمِ ۗ فَإِلَٰهُكُمْ إِلٰهٌ وَٰحِدٌ فَلَهُۥٓ أَسْلِمُوا۟ ۗ وَبَشِّرِ ٱلْمُخْبِتِينَ.

“Pikeun Satiap Ummat geus di syari’atkeun meuncit qurban, supaya nyarebut jenengan Alloh pikeun sasatoan anu jadi rizki aranjeun ti Alloh, Pangeran aranjeun teh hiji, kudu bener-bener arislam, berserah diri ka Alloh, jeung bungahkeun jalma-jalma anu paratuh tarunduk tara’at ka Alloh” .

Kangjeng Rosul nyaurkeun; 

مَنْ وَجَدَ سَعَةً فَلَمْ يُضَحِّ فَلَا يَقْرَبَنَّ مُصَلَّانَا (رواه أحمد فى المسند)

“Saha jalma anu kaduga qurban tapi teu ngalaksanakeun, maka ulah ngadeukeutan tempat sholat kami”. 

Saurna deui, dina riwayat Abi Syaibah; 

فمن الصحيح ما روى الترمذي وابن ماجه عن عائشة رضي الله عنها قالت: "قال رسول الله صلى الله عليه وسلم: مَا عَمِلَ ابْنُ آدَمَ يَوْمَ النَّحْرِ عمَلًا أحَبَّ إلى اللهِ - عزَّ وجلَّ - مِنْ هراقةِ دَمٍ، وإنَّهُ ليَأْتِي يَوْمَ القِيامَةِ بِقُرُونِها وأظْلافِها وأشْعارِها، وإنَّ الدَّمَ لَيَقَعُ مِن اللهِ - عزَّ وجلَّ - بِمَكانٍ قَبْلَ أنْ يَقَعَ على الأرْضِ، فَطِيبُوا بِها نَفْسًا".

“Teu aya amal anu pang dipicintana ku Alloh anging ngocorkeun getih Qurban,  Sabab eta sato bakal dina poe Qiyamah mawa ganjaran tandukna, kulitna, buluna, bahkan getihna memeh ragrag kana taneuh parantos di tempatkeun ganjaranana di caket Alloh, maka aranjeun kudu bungah ku ngalaksanakeun Qurban”.

Maka Kacida pisan bagjana anu tiasa ngalaksanakeun ibadah qurban, mudah-mudahan ditampi janten amal sae mungguh Alloh SWT. Tur didunyana digentosan ku Alloh kunu langkung seueur sareng langkung sae, Amin.

Ma’asyirol muslimin rohimakumulloh

Dimasa situasi sapertos ayeuna, urang sadaya peryogi waspada, utamina kana berita sareng beja tina TV atanapi Media Sosial. Peryogi ngajagi informasi anu katampi ku urang pribadi atanapi ku kulawargi sareng tatanggi sabudeureun. Tangtos sering pradoksal, ceuk itu kitu, ceuk ieu kieu. Kanggo urang kedah emut bahwa Alloh SWT. Maha kawasa, maha bijaksana, midamel sakersana, tiasa wae Alloh nurunkeun panyakit rata sa alam dunya, tiasa gempa sanagara, gunung Meletus, banjir bandang nu teu di sangka-sangka, halodo sapanjang taun, sadayana pamasti Alloh, ulah geumpeur ulah tagiwur, sing yakin yen ieu cobaan ti Alloh kanggo ummat islam sadayana. Mungkin siksaan kanggo jalma-jalma kafir.

Teu aya hiji kajadian anu teu dihaja ku Alloh, komo di nagara Afganistan anu perang Saumur-umur, nyarumput di gunung, di beberik tantara amreka jeung tantara sekutu, inggris, perancis, malah ti samamemehna keneh ku Uni Sofyet, tapi istiqomah dina ibadah, maranehna teu daek eleh, teu maraot kalaparan, padahal caricing di Gunung anu tanahna tandus, nu jauh ka pasar, jauh ka supermarket.

Urang palestina, nyawana di tungtung senjata orang Israel, tapi tetep karuat, energik, sarehat, tetep garetol ibadah. Teu matak ngurangan tawekal ka Alloh. Urang mah kakara ku pandemi nu sakieu meni riweuh, galau, silih hujat silih gorengkeun, nyebar hoaks, ngadu-ngadu jeung sabangsana.

Sing emut dawuhan Alloh:

ٱلَّذِى خَلَقَ ٱلْمَوْتَ وَٱلْحَيَوٰةَ لِيَبْلُوَكُمْ أَيُّكُمْ أَحْسَنُ عَمَلًا ۚ وَهُوَ ٱلْعَزِيزُ ٱلْغَفُورُ (الملك - 2)

“Alloh nyiptakeun hirup sareng maot minangka cobaan pikeun aranjeun, saha nu pang alusna amal, Alloh nu Maha gagah jeung maha pangampura”

Situasi kumaha wae, in sya Alloh aya jalan pikeun nengtremkeun hate, pikeun jongjon ibadah, aya jalan pikeun aktifitas kahirupan anu normal, asal urang sadaya tiasa tumarima kana papasten, disarengan ku sabar sareng tawekal. Sareng yakin hujan aya raatna, halodo aya tungtungna, panyakit aya cageurna, nu rugi sok aya untungna. 

Nu Dholim pasti aya, tukang bohong pasti loba, nu jujur in sya Alloh langkung seueur. Margi Nabi Musa dilawanan ku Firaon, Kangjeng Rosul diganggu ku Abu Jahal, para Kiai para Ustad, para juru da’wah di tiap pelosok daerah, pasti aya kendala, pasti aya cobaan jeung rintangan. Eta dihaja ku Alloh supaya nambihan lahan amal, nambihan proyek ibadah. Tos janten syare’at sareng sunnah ti Alloh kanggo urang sadaya.

Mugia urang sadaya tiasa neraskeun kalih ngalaksanakaeun kana syariat para Rosul sareng para Anbiya, salasawios wujud taat urang sadaya ka Alloh SWT. Mugi urabf sadaya tiasa ngalaksanakeun Ibadah Haji, tiasa berqurban, tiasa zakat sareng shodaqoh, tiasa nyampurnakeun kawajiban Sholat lima waktu, oge nyampurnakeun sagala pasunatanana, mugi janten jalmi ahli ibadah, disolehkeun sadayana, istri-istri, putra-putri, mantu, sareng incu buyut sadayana janten jalmi anu saroleh, janten Mujahid fi Sabilillah, janten jalmi anu berguna kanggo agama sareng bangsa, manfaat kanggo nagara, manfaat kanggo papada manusa, tiasa ngajalankeun katakwaan ka Alloh siang wengi, kalayan pinuh ku rohmat sareng barokah ti Alloh SWT. 

Mugi-mugi panyawat nu merajalela, pandemi covid sareng pancaroba nu nuju musim ayeuna, ku Alloh enggal di angkat, di hilangkeun ti dunya ieu, sehinga munggah haji tiasa kalaksanakeun, umroh tiasa jalan, masjid rame deui, pangaosan mingguan, sareng sakola-sakola di buka sadayana, pasantren sing teras marajeng, dipasihan kamanfaatan kamaslahatan ku Alloh SWT, amin, Ya Robbal Amlamin.

بَارَكَ اللهُ لِي وَلَكُمْ فِي الْقُرْآنِ الْعَظِيْمِ. وَنَفَعَنِي وَاِيِّاكُمْ بِمَافِيْهِ مِنَ الآيَاتِ وَالذِّكْرِالْحَكِيْمِ. وَتَقَبَّلَ اللهُ مِنِّي وَمِنْكُمْ تِلاوَتَهُ اِنَّهُ هُوَاالسَّمِيْعُ الْعَلِيْمُ.

KHUTBAH KA DUA

 

اَللهُ اَكْبَرُ (×7) لَا اِلَهَ اِلَّا اللهُ وَاللهُ  اَكْبَرُ . اَللهُ اَكْبَرُ وَ لله الْحَمْدُ . 

اَلْحَمْدُ لِلَّهِ اْلأَكْبَرِ، خَلَقَ الْكَوْنَ وَدَبَّرَ، خَلَقَ اْلإِنْسَانَ ثُمَّ أَمَاتَهُ ثُمَّ أَقْبَرَ، وَأَرْسَلَ الرُّسُلَ وَأَخْبَرَ، وَأَنْزَلَ الْقُرْآنَ الْكَرِيْمَ فِيْهِ الْعِبَرُ، فَهَدَى وَأَحَلَّ وَأَمَرَ، وَنَهَى وَحَرَّمَ وَزَجَرَ، أَشْهَدُ أَنْ لاَ إِلَهَ إِلاَّ اللهُ الاكبر، وَأَشْهَدُ أَنْ مُحَمَّدًا عَبْدُهُ وَرَسُوْلُهُ وَهُوَ خَيْرُ الْبَشَرِ، وَصَاحِبُ الْحَوْضِ الْكَوْثَرِ، صَلَّى اللهُ عَلَى سَيِّدِنا مُحَمَّدٍ وَعَلَى آٰلِهِ وَصَحْبِهِ، وَعَلَى التَّابِعِيْنَ لَهُمْ بِإِحْسَانٍ فِيْ كُلِّ أَثَرٍ، إِلَى يَوْمِ الْمَحْشَرِ. أَمَّا بَعْدُ؛ فياعِبَادَ اللهِ، أُوْصِيْكُمْ وَإِيَّايَ بِتَقْوَى اللهِ، فَاتَّقُوا اللهَ حَقَّ تُقَاتِهِ وَلاَ تَمُوْتُنَّ إِلاَّ وَأَنتُمْ مُّسْلِمُوْنَ.

اللَّهُمَّ صَلِّ وَسَلِّمْ وَبَارِكْ عَلَى سَيِّدِنَا مُحَمَّدٍ وَعَلَى آٰلِهِ وَصَحْبِهِ اَجْمَعِينْ. آمِينْ. اللَّهُمَّ اغْفِرْ لِلْمُسْلِمِيْنَ وَالْمُسْلِمَاتِ وَالْمُؤْمِنِيْنَ وَالْمُؤْمِنَاتِ اْلاَحْيَاءِ مِنْهُمْ وَالْاَمْوَاتِ اِنَّكَ سَمِيْعٌ قَرِيْبٌ مُجِيْبُ الدَّعَوَاتْ. 

اللَّهُمَّ إنِّي أَعُوذُ بِكَ مِنَ البَرَصِ ، والجُنُونِ ، والجُذَامِ ، وَسَيِّيءِ الأسْقَامِ. اللَّهُمَّ إِنِّي أَسْأَلُكَ الْعَافِيَةَ فِي الدُّنْيَا وَالْآٰخِرَةِ، اللَّهُمَّ إِنِّي أَسْأَلُكَ الْعَفْوَ وَالْعَافِيَةَ فِي دِينِيْنَا وَدُنْيَايَانَا وَأَهْلِنَا وَأَمْوَالَنَأ، اللَّهُمَّ اسْتُرْ عَوْرَاتِناَ وَآمِنْ رَوْعَاتِنَا، اللَّهُمَّ احْفَظْننَا مِنْ بَيْنِ يَدَيْناَ وَمِنْ خَلْفِنَا، اللَّهُمَّ افْتَحْ لَنَا أَبْوَابَ الخَيْرِ، وَأَبْوَابَ البَرَكَةِ وَأَبْوَابَ النِّعْمَةِ، وَأَبْوَابَ الرِّزْقِ وَأَبْوَابَ القُوَّةِ، وَأَبْوَابَ الصِّحَّةِ وَأَبْوَابَ السَّلَامَةِ، وَأَبْوَابَ العَافِيَةِ وَأَبْوَابَ الجَنَّةِ، اللَّهُمَّ عَافِنَا مِنْ كُلِّ بَلَاءِ الدُّنْيَا وَعَذَابِ الآخِرَةِ وَاصْرِفْ عَنَّا بِحَقِّ الْعِيْدِ العَظِيْمِ وَنَبِيِّكَ الكَرِيْمِ شَرَّ الدُّنْيَا وَعَذَابَ الآخِرَةِ. يَا فَارِجَ الْهَمِّ وَيَاكَاشِفَ الْغَمِّ، يَامَنْ لِعِبَادِهِ يَغْفِرُ وَيَرْحَمُ، يَادَافِعَ الْبَلَاءِ يَا اَللّٰهُ، وَيَادَافِعَ الْبَلَاءِ يَارَحْمٰنُ وَيَادَافِعَ الْبَلَاءِ يَارَحِيْمُ. رَبَّنَا لَاتُؤَاخِذْنَا اِنْ نَّسِيْنَا أَوْ أَخْطَأنَا. رَبَّنَاوَلَاتَحْمِلْ عَلَيْنَا اِصْرًا كَمَا حَمَلْتَهُ عَلَى الَّذِيْنَ مِنْ قَبْلِنَا. رَبَّنَاوَلَاتُحَمِّلْنَا مَالَاطَاقَةَ لَناَ بِهِ. وَاعْفُ عَنَّا وَاغْفِرْلَناَ وَارْحَمْنَا أَنْتَ مَوْلَانَا فَانْصُرْنَا عَلَى الْقَوْمِ الْكَافِرِيْنَ. رَبَّنَا تَقَبَّلْ مِنَّا صَلَاتَنَا وَصِيَامَنَا وَنُسُكَنَا، وَجَمِيْعَ عِبَادَاتِنَا بِرَحْمَتِكَ يَا أَرْحَمَ الرَّاحِمِيْنَ. 

سُبْحَانَ رَبِّكَ رَبِّ اْلعِزَّةِ عَمَّا يَصِفُوْنَ وَسَلَامٌ عَلَى الْمُرْسَلِيْنَ وَالْحَمْدُللهِ رَبِّ اْلعَالَمِيْنَ.

وَالسَّلِامُ عَلَيْكُمْ وَرَحْمَةُ اللهِ وَبَرَكَاتُهُ